南宁益禾堂餐饮联盟

连导航都搜唔到噶平洲老字号,40几年嘅时间话你知有几好食

楼主:佛山吃货部落 时间:2018-10-03 13:41:48



平洲

素有鹭州之称,著名噶平洲玉器街就系呢个老镇街噶地标,唔少颇具特色噶美食随住快速发展噶城市建设而销声匿迹,已经失传噶平洲特产福玉饼就系一个活生生噶例子。

作为一个土生土长噶平洲吃货,梗系唔忍心再睇到有美食系我地噶眼前消失,今日我就带大家一齐黎探寻果D历经岁月洗礼,仍然屹立不倒噶平洲老字号。


▲ 金漆招牌:汤鲜面爽云吞靓


首先,黎到位于平北六村噶呢间面馆,老板系1992年就从梅州过黎平洲生活,系平洲生活左25年,令得老板已经离唔开呢度,而距亲手创立噶面鑫面馆都已经有12年历史啦,系平北呢度有相当多噶街坊帮衬,附近有D街坊甚至将面馆当做自己噶厨房一样,随时黎翻碗新鲜滚热辣噶云吞面。



唔系讲笑,“汤鲜面爽云吞靓”呢个金漆招牌一点都无花假,火柴支甘粗噶面条,唔会断又唔会扭埋一齐,条条爽滑,韧劲十足,挂系筷子头上面仲识得弹下弹下,好似跳紧舞甘,放系嘴入面咬,唔单止弹牙,而且仲咕叽咕叽甘响。



再黎讲讲云吞噶馅料,系用三分肥七分瘦噶猪肉剁碎后混合而成,将“肥三瘦七”噶秘诀发挥得淋漓尽致,一啖咬落去立即体会到“剥剥脆”噶感觉!



老板每日半夜就要起身入厨房熬汤,一熬就系几个钟。“戏子噶腔,厨子噶汤”,呢句话用系呢度真系一D都无错。



六粒云吞加一饼面,连汤带面,意犹未尽,食惯左其它店烂糊面噶我,觉得呢D简直就系天下间最爽滑、最劲道噶面啦。


▲ 价钱好抵

▲ 仲有好多好抵食噶面


开铺时间:全日

地址:平洲平北六村西边街

公众号回复 “平洲” 即可获取导航位置




食完面,开几分钟车就黎到位于平洲旧墟噶德昌糖水铺,19平方,26年,冯姨就系甘样用左26年噶时间去经营呢间人情味十足噶糖水铺,我第一次知道呢间糖水铺系读小学6年级噶时候,果阵时都系家姐带我去,第一次点就要左碗“朱古力炖奶”,之后我就忘记唔到第一啖食落去噶果种感觉。


▲ 朱古力炖奶


时隔17年重返旧地,依然系点翻碗“朱古力炖奶”,哇,又暖又滑,入口即融,超中意食朱古力噶我简直无法抵抗呢种浓郁阿华田噶味道。



系呢度,你仲可以食到非常正宗噶住家甜品,超级绵噶海带绿豆沙,酸甜煲淋噶猪脚姜,香浓滋润噶窝蛋奶,浓郁入味噶牛奶香芋西米露……当然唔少得噶系,炼奶蜜糖龟苓膏,雪耳鸡蛋糖水,莲子百合鹌鹑蛋糖水,椰汁西米露,菠萝冰,西瓜冰等等,满足晒你一切噶味蕾。



最重要噶系,价钱居然系20年不变,我最记得第一次食“朱古力炖奶”系5蚊,过左17年,价钱都净系升左5毫纸!!!


▲ 超淋噶猪脚姜

▲ 26年历史噶取餐台


好可惜噶系,因为租金要上涨到7300蚊一个月,冯姨好可能做埋呢3个月就唔做啦,所以,想去食噶朋友一定要抓紧时间,如果唔系就后悔都无眼泪。


▲ 冯姨一直用算盘收钱


开铺时间:全日

地址:平洲太平路35号(平洲中心幼儿园附近)

公众号回复 平洲 即可获取导航位置




继续出发黎到平西坑边村冲边大街噶牛杂档,老板娘系我老乡,大家都叫距做“牛杂萍”,因为呢间店无正式起名,20几年黎大家都系直接用“牛杂萍”做店名。



讲起呢间牛杂就有段故咯,以前一放学就成大班同学唔翻屋企,直接踩单车黎呢度食牛杂,几蚊鸡就饱到个个夜晚翻屋企都唔食饭,搞到日日比阿妈闹。



呢度D牛杂种类齐全,牛骨、牛肠、牛蒡、牛肺、牛肚、萝卜、薯仔、面筋、青菜……要乜有乜,已经煮到深褐色嘅牛杂汤底,未食就已经惹味过人,隔住几条街就已经闻到香味,同阿d淡茂茂嘅牛杂汤比简直系无得比!



呢碗牛杂7蚊鸡,够我3个人食,搽埋呢D海鲜酱啊,辣椒酱啊甘,特别惹味,不过我唔中意搽酱,净系中意斋食,最好就黎翻串芥蓝,爽口入味,饮啖牛杂汤,哇,我已经企唔稳啦!



开铺时间:下午4点左右

地址:平洲平西坑边村

公众号回复 平洲 即可获取导航位置




郭伯,本地人都叫距做“豆腐才”,做豆腐花一做就系40几年,距同我地讲,以前D人中午1、2点最晒噶时候就去摘茉莉花卖,卖完茉莉花就去食豆腐花!我地就笑距话“郭伯,你把口甘叻,以前肯定沟死女啦”,点知郭伯好大声甘应我地话“沟乜鬼女啊,不如买包靓烟食下仲好啦”,现场无论系老顾客,抑或系行人,都比郭伯呢种风趣幽默噶性格引到哈哈大笑!



无错,郭伯把口同距做噶豆腐花都系一样,甘滑,滑到痴线果种!糖水系用姜同冰片熬制而成,加入姜味噶豆腐花,甜而不腻,老少咸宜,更加要食多两碗!



晶莹犹如白玉般细腻温柔,凝脂般噶豆腐花又如同刚出浴噶少女,弹指可破,只可远观而不可亵玩焉。


▲ 每碗先系3蚊


系风中,豆腐花微微甘颤抖,犹如受惊噶玉兔,令人怜悯,忍唔住将它一啖摆入口,细心呵护。



用匙羹轻轻甘舀起一羹嫩白噶豆腐花,系口入面细细品尝,黄豆噶浓厚醇香同温润细腻相得益彰,感受住距沿住利尖,慢慢滑入口噶嫩滑,感受住距入口即化噶梦幻般噶触觉,哇~郭伯,再黎多碗!



开铺时间:下午4点左右

地址:平洲平西上海村市场内

公众号回复 平洲 即可获取导航位置



其实系每个地方每个角落,都一定会有传统而又地道噶美食,只不过系比我地所忽略左,如果大家喜欢呢篇文章,请大家广而告之,支持弘扬老字号噶请系下面点个ZAN,有美食推荐或者想推广美食嘅,欢迎加我微信报料



朋友 图片 表情 草稿箱
请遵守社区公约言论规则,不得违反国家法律法规